Ekintzailetza Eskola Bizkaiko ekintzaileen gaitasunak eta ezagutzak hobetzea helburu duen egitasmoa da; ekintzaile horiek, nolabaiteko espezializazio-maila izan dezaketen arren, askotan ez dituzte izaten haien proiektuak eraginkortasunez kudeatzeko eta garatzeko beharrezko ezagutzak.
Espazio honetan, profil ezberdinetako ekintzaileek zein ekintzailetzan lagun egiten duten pertsonek eta enpresak prestakuntza irisgarria aurkituko dute, etengabe eskuragarri egongo dena online, eduki malguak izango dituena eta egoera eta premia ezberdinetara egokituta egongo dena.
Ezagutu ezazu Ekintzailetza Eskola
Teresa Laespada Enpleguko, Gizarte Kohesioko eta Berdintasuneko foru diputatuaren ongietorria
Ekiteko Prestakuntza
Ekiteko Prestakuntza
Bizkaiko Ekintzailetza Eskolaren atal honen helburua da ekintzailea gaitzea, haren negozio-ideia ekonomikoki eta finantzarioki bideragarria izango den enpresa-proiektu bihur dezan.
Enpresarako Prestakuntza
Enpresarako Prestakuntza
Bizkaiko Ekintzailetza Eskolako ikasgela horien helburua da enpresa merkatuan finkatzea eta haztea ahalbidetuko duen kudeaketa profesionalizatua garatzeko prestakuntza-edukia ematea. Ekintzaileak bere eguneroko arazoak konpon ditzaketen irtenbideak aurkituko ditu gune honetan.
Bi ekimen handinahirekin sortu da eskaintza: “Salmenta Eskola” eta “Enpresarako Adimen Artifiziala”.
Ekintzailetzako eragileentzako prestakuntza
Atal honen helburua da ekintzailetzan lagun egiten duten profesionalen eskura jartzea haien garapen eta eguneraketa profesionala bultzatzen dituzten edukiak, gaurkotasun handiko gaiak jorratzen dituen etengabeko prestakuntzaren bitartez, hala nola arau-aldaketak, metodologia berriak eta indarra hartzen ari diren joerak.
Horrela, erraz baina zorroztasunez, Bizkaian ekintzailetza bultzatzeko erantzukizuna duten pertsonek haien eguneroko lanerako baliabide erabilgarriak aurkituko dituzte.